Zo Cultural Items

Loading...

Monday, April 15, 2013

Philip Thanglienmang has been awarded Doctorate of Philosophy by Jawaharlal Nehru University, New Delhi, India


The Centre for Linguistics, School   of Language, Literature & Cultural Studies, Jawaharlal Nehru University, New  Delhi-110067, India, has awarded Doctor of Philosophy upon Philip Thanglienmang with effect April, 03rd, 2013. His Doctorate Thesis is titled “A Descriptive Grammar of the Zo language” covering an ethnographical account and the detailed grammar of the Zo/Zou language.

Dr Philip Thanglienmang is the fourth son of (L) Sub.Peter Thangkhokâm Tungdim and (L) Mari Lienzanieng. He was born on 22nd, February in the year 1964 at Singtom village, Chakpikarong sub-division, Chandel District, Manipur(India). He did his primary schooling at St. Joseph’s School, Sugnu, Manipur from 1970 to 1975. He completed matriculation from Loyola High School, Jakhama, Nagaland, he secured 10th Rank in Nagaland Board of School Education in 1980, obtained distinction marks in Hygiene, Science and  Geography subjects thereby he bagged the Nagaland State Government Scholarship, and he passed out Pre-university Science from St. Edmund’s College, Shillong in 1982. He graduated Bachelor of Civil Engineering secured First class degree from Lukhdhirji Engineering College, Morvi, Gujarat in the year 1986.
* He served as Section Officer-Grade I in Manipur Public Works Department under the Government of Manipur from 1987 onwards till his to the rank of Assistant Engineer in June 1993 till 1996.  He qualified in the UPSC Civil Service(Main) Examination by opting Anthropology and  Geography subjects, was offered DANICS(Delhi, Daman & Diu, Dadra Nagar,  Andaman, Nicobar Islands Civil Service); an IAS-allied service under the Ministry of Home Affairs, Government of India in 1996.
 * He founded the “Zo Cultural-cum-Literature Society India”(ZOCULSIN)in the year 1998 at New Delhi to further the Zo/Zou language preservation and development.
* He completed M.A (Linguistics) in the year 2007 from Annamalai University, Tamilnadu.
* He has written 10 books in Zo/Zou language, and more than 44 articles, papers, essays covering various topics and magazines.
* He can be reached by this email- philipzo_64@rediffmail.com or mkaangzou@yahoo.com, zoculsin@gmail.com. Or mobile 91-9560457775


Saturday, November 17, 2012

TEDIM HING KIPAT DAN


PHAITU KHUO PAN KHAMPAT N01. A TENG  PU. KHAM LIEN  PAU@ PU. KHAM LIEN ANG GEN THU KHAT.
 
TEDIM HING KIPAT DAN:- Nidang lai in, I ZO Pasal nih Gam navah in, tuami Tedim khuo kuom teng ah, Muolsang munkhat pan in, agal et gel leh (Tuamun sang pen tun amin THUOMVUM kichi hi) mun zang nou khat ah DIM OR BUOL a mugel a, tuomi DIM/BUOL(LAKE) pen Gamsa te tuidawn zong amugel hi.Tua sung ah amanih zong hoitah leh kichientah a, alim etkia ching gel leh Tuami DIM/BUOL(LAKE) pen aningkom pan in NISA(SUN LIGHT) in hing khawh suh in tuomi nisa vangtang (REFLECTION) in amit gel ahel sah hi.Tuanah amani zong hoihtah a, atha et kiaching gel leh mun kitawi leh Muollawm munnop mama mun amu gel a, Tuasung ah khuosat ding in, angkithu kim tagel hi.
 
Akhuo min ding angkikup tah ching gel leh TEDIM hisah vai angchi gel hi. Bangjieh in Adim tuibel zong ahiban ah tuomi dimtui pen Nisa (SUN LIGHT) in angkhawh chieng leh Amitgel ahahthei pahsih gel a, amit a nuoinuoi gel hi.Tampen nisa in hingkhawh in avah pen Telihleh maw ahi chieng leh ikhuo min ding in TE Nisa khawh na TE lihleh leh a DIMTUI tawh gawmkhom in TEDIM hisah lei hoiding hi chi in hingki thukim tuogel hi chi in PU.KHAM LIEN in eigen hi. Keizong tualeh I Unau SIM/TEDIM ten zong Dim ma achi uh hilou amah?  kachi leh hilouhi  Simte’n  DIM PEN BUOL chi uh hi eichi hi. Simham siempen I zo sung ah tamvilbel ding ahi chieng leh theizaw va uhteh  keipen in  Siemmama nanleng Zahsawm sing bangjieh in kitel maw ding om khol salou kahi zieh in.
 
TEDIM chipen izo ham akichien in genkia lei NISA KENG IN AKHAWH SUH DIMTUI  AVAH KILEKIA PEN I ZO HAM (TE) Mangham in ( REFLECTION) Kawlham in (ALEN PYIEN)kichi hi. DIMTUI Mangham (LAKE) Kawlgam in ( GIKAN CHI) TEDIM PEN Mangham tawh Direct a leh ding hilei pen ( THE REFLECTION OF LAKE ) Suoh ding hi.Tuozieh in TEDIM china minpen pen ZO HAM/KAM ORIGINAL ngiet in kikhen tel thei hi. I unau Sim/Tedim te na phuoh hileh DIM pen BUOL chi uh ahijieh in  TEBUOL chi in na phuoh kha ding uh hi.Tuazieh in TEDIM KHUO min kammal pen Zoham hi chi in kigen thei hi. 
 
TEDIM KHUO HAM:- Hun leh nite hingpei touzel in mun tuomtuom pan in Tedim ah hing kiteng chiet in, minam tuom tuom, ZO, THADOU, VAIPHEI, GANGTE, FALAM, HAKHA, KAWL, SIM, MANGKANG TE chidan in hingki teng koikoi hi. Khuopi lien mama khat hing suoh hi. Tua sungah I unau SIM te pen atampen Majority pen leh akichingpen ahizieh un, atangpi in SIM ham pen TEDIM ham chi in hing kithei hi. Tuazieh in TEDIM ham om a, TEDIM minam pen omlou thei lou hi. Tedim minam ichi leh pen Tedim khuo a teng minam teng hing koh ding hi. Om sah nuom paupau nanlah chin a TAMAI (HISTORY) dingpen omthei lou suoh hi chi in  PU. KHAM LIEN PAU @ PU. KHAMLIEN IN ei genpi ngai hi.
 
Tuazieh in tamthu pen thei huoi thukhat hi e chi in, aman leh aman lou ding pen eima mimal chiet in limsim chiet in ngaituo vai, akichien a, theizong om ding in ka um a tuaten hing correct kia ta un.
 
Mangpan  leitungbup zotate hing kipumkhat sah semsem in alamdang thupha hing tung sah tahen.
 
JOHNP ZO 
 
  


Saturday, September 29, 2012

I HINA (OUR IDENTITY) I LAI/HAM (OUR LITERATURE) I POM, LETKHAN,ACCEPT LOU ZIEH IN KI THUTUO NA TAWM.


I unau ZBA in I ZOLAISEINGTHO / HOLY BIBLE pen pawl khat in hing pom (Accept) in, Atam zawh in hingpom lou uh ahitajieh in, kipumkhat naleh kilungtuo na tampitah I ZO SUNG hingkekhe in akimuthei hi. Bangzieh in, ithu ila thakhat in,luongthei talou atamzawh te’n letkhanlou maw ihichiang izah manman kizang in, KELTA THUMANG LOU bang in isomchiat ah, ki omhi. Ahin tampen I Unau ZBA ngentang imawsah na hilou in, imimal chiat in ihi na uh ipomngam tahtah lou zieh zong ahihi. Izo sung ah ZBA pen atampen ahiban ah,thuthei   mipilmisiem  tam napen zong ahi a,Tuojieh in Imuon Isuon khat leh ikilet sahpi khat zong ahihi.Tuazieh in i Zo buppi in I Zolaisiengtho pen aletkhan Accept thei nading leh thakhat zo tate iluongkhom thei nading abulpi pen ZBA tung siltampi kingah hi.
            
I ZO buppi ikithutuo theilou na  leh I thupha ngah theilou na abulpipen ahileh atamzawh inihina IZO HOLY BIBLE angpom lou-uh chiangleh tuni dong IZO sung ah, Pasien phat na, thakhat pumkhat suothei lou hi. Ichinop na in, I ZO in labu/Laisiengtho  O.T/N.T Thuhun tha Thuhun lui minam dangte tawh kibang a, standard tah a, neite ihi vua, Hinanaleh ei Kawlgam Burma lam a, I Bieh nalam makai mipil /misiem a ineite’n zang nuomlou pong san maw hi.Tuopen imapui dan uh amanlou na bulpipen ahihi. Tuopen IZO tate sung ah, Ikithu tuah zou lou na abulpipen AHUIPI (THE MAIN ROOT )  ahihi. Tuoleh ZO laisiegtho O.T adang zawh zahding inei uh ama leh ?

I Unau ZBA pan Sia, Mangkholien hing bawl khiet pen lah N.T Thuhun tha chiang beh hi nalai ahihi. Thuhun tha ngentang tawh Sermon piching theilou hi.Tuazieh in unaute aw  ZO min in , minam lien/piching pi khat IMANGPA’N eina siem ta ngal a, ZO ASSOCIATION, ZO SYNOD leh ZO minpuoh in kipawl khawm na Social organization/Religion organization lam hitaleh inei a, Hinanleh a ( MAIN ROOT AHUIPI/ ABULPI) pen tunidong ithupha ngah na ding abulpi pen I zo Labu/Laisiengtho ihina tahtah i tutahtah ngam nailou zieh in I ZO sung ah, kipawl khawm na zousie Satan Devil in vaihawm nuom paipai hi. Tuomi Satan vaihawm na pen I laisiengtho  matawh I deldawh  ding ahibou hi. ZBA Founder pa Rev. Khamzamang na sep leh agah te chi laibu ka simsiang a, kathei khalou thu tampi kathei beh a, Kalung adam hi.

I HAM/I DAN KIBAH PI CHIA, I PANKHAWMPI TE EI SIMMAW NA THU: Sim/Tedim te eisin maw bawldan leh eithang siet nate, Sia, Kamkhuothang leh TBA te eigot nate nasia kasa mama hi. I makai masate inam ading a, ana thuoh nate thupi kasa a, Manghil thei guolding ahisih hi. Pasal chipen tuobang ding ma ahihi ikhanguol pa tawh kisingam ding kideh ngam ding ahi iminam ading a,Ahin akhoh na kia khat ah Kamkhuothang leh TBA in tamzahtah a, eisinmaw eithangsiet na thu thangpai mama ei a,Sim/Tedim Labu/Laisiengtho i sahthei paupau leh i thupi bawl paupau maw pen ei kisimmaw nakawlkal ah ei kisin maw semsem hen i china tawh kibang kasa maw hi.A sung a thuteng te kasim chiang laisiengtho kitat-te zong ahoi a, Hinanleh Rev.Thomas Thangkhenmang atapa in I Zolaisingtho thuhun lui sung a laiteng ang gielhaw heisung I Zo laisiengtho pen anglah ahidiah mah?Athu tengpen I Zolaisiengtho tawh ka-et kah chaing kizawi tonsam in, Hinanleh Zolaisingtho lien hilou in, Aman ang kungtung translate/lethu ahidaih mah? ZO hampen suosam hi. Bangzieh in I ZO Pastor tampitah in izolaisiengtho pen kungtung le sathei maw hi tuopen nahi na kichet lou na ahihi.Pasien laisiengtho kungtung le adeih leh adieh loupen Sia,Pastor akinei hisam uh chin thei zawh ding in kang um uhhi ihina tahtah tawh imite hingpui un tuohi leh nangma zong minam dang ten nangpi muzawh ding a Imangpa pasien zong lungkim zawhding hi. Aw leh pasien in minamdang te laisiengtho nazangh zawnlen nang ma laisiegtho nasim chiang leh nangma deihdandan in nakung tung (Translate)  leh len in chia, Kamsang houpi na angah uh ahita daih mah?

LAISIENGTHO/LABU TE MINAM DANG ATE ZANG PAUPAU SIH VAI I THUPHA NGAHDING IN EI TAISAN KHA VA: ZO ngentang kikhompen MANGLAI/KAWL.SIM LAISIENGTHO  sim paupau in, ZO ham in kungtung le Translate den maw Sia pawlkhat omlai hi. I kigengen hun ahinon sih a, Lettuih Practical a zah hun ahita hi.I ZO te’n bang samsiet napi khat itan uh ahita a, eima hina thupi selou a, midang a, ngentang ithupi bawl maw ata daih?Thu lamdang pi khat hi. MIZORAM President pa PU.LALDENG in Mangkang te kung thu agen a, angai mangkang te hinanleh LUSEI HAM IN LAISIENGTHO SIM A, translate/lekia na ah mangkam in gen hi.Minam dang te ahina uh azumpi sih vua, akisahthei pi uh hi.Miten zahtat pai uh hi. Ei pen tuokihilou in minamdang khat ham kithei sah ihidaih mah aw leh eimaleh eima kitellou ihizawh diah mah? Ken manglai/kawl lai kathei hi ichi na-uh ahita daihmah izawh? Imangpa jesu in miham tawh amaphat ding pen adeih zawh ahita diah mah izawh? Tuojieh in ZO in ZOlai isim/isah thei sihmaw leh koi-in eisimpi a, eizahpih tamaw ding adiah ?, ZO tate ikithuo zoulou na aphi Answer bangma dang hivotsih ve aw. Tammi a bulpipen I ZO laisiengtho /labu ikituo lou zieh leh ipasien phatdan Ibieh na / Sakhuo biehdan kituo loujieh ahihi. Adieh dieh in KAWL LAI BURMESE atawp na ah Kawllai zong Common language chita vai Sim/Tedim lai in i kizawh sah (INFLUENCE) jieh zong ahi pipen hi.

 MINAM DANG TE LAISIENGTHO PEN ZO A HILOU HI: Sim hampen ZOham hiloupi I ZO pawlkhat in imaw sihpi ngam sonlai zang ahi hi.Tuote pen ka ginat lou  na tachiang hi chie talang te ihihi. Eiham loupi eiham a, ithuot khajieh ahibou hi. Tuojieh in amasapen in ka ZO LAISIENGTHO/LABU te KA HINA My Identity HI CHIN, POM, LETKHAN, ACCEPT PHOT VAI Tuachi-in i sim thanuom tanuom tading a, kawllang ham phailang ham hing omnon sih van ka Zolaisiengtho ma hibou e chin teltahtah lei ideih na leh isimnop na te zong hingkhang ding hi.kahina hi chin Pom/Letkhan tahtah phot lei amanlou pi ahken hinanleh kahi na chia ipomphot na leh isimsiemlou phamaw ahihi, Tuohilou a iletkhan thei naisih a ahileh pen amawh na omlou pi amawh na isuimaw ding hi.Tam ichichiang leh minamdang te laisiangtho pai pai vai china hilou a, eima siem lou pi a, minamdang te ipibawl I angpom khamaw pen akile bul isuoh ta hi,minam dang te a zong theiding ma hi a, hinanleh eima siem masah ding chi na pen mihi na ahiban ah,misin maw zong kitang lou ding hi,eima ithei zawh chiang leh midang atezong kan leihla ding ma ahi a, tuopen peidan man leh thudih ahihi.Eima thei lou pi in minamdang te a theisawm sihvai, zo hinuom non sing kamin deihnon sing mihau min khattawh khel tavang chi omthei lou hi,Namin pen napu napa na nu ten Pigui Pugui zui a, na anaphuoh pen maw khel thei nonsih teh tuomabang in ihina zo pen nakhel nuommama zong in nakhelthei nonsih ding hi,tuojieh in ihina minamdang ten eizuipih nading leh eizahtat pih nading in eiman zahtat Respect in zui in kisin vai,Eikhangtha ten ihina manghil lou in Izo laisiengtho labu te isimthei sih leh zong ikisin tha kia ding vua,ineisih leh zong aomom na mun ah isui ding uh hi.tuo hileh Pasien in nahi na ihina izatat napen ithupha ngah nading ahibou hi,Nangthupha nangah a, na Innkuon in thupha angah leh tuopen minam khangtou leh Pasien thupha ngah minam kichi hi,thupha ngah chichiang leh inam buppi a pasien in eidop hilou a, khat thupha ngah na Innkuon khat thupha ngah na zousie akigawm chiang leh tuopen achi anam buppi in thungah ahi bou hi,Tuojieh in ihina Pom/Lekhan phot phot lei ithupha kot pen hing kihong pang ding ahi nabou hi,Na letkhansih leh nagen ding nasap ding hingtam va,na letkhansih leh tam anei a, gentehna ipieh bang in hing om teitei ding hi,
Gentehna'n: Amaw nasuiding dan ahileh tampen Sahlam hambou i zoham in tambang omsih simha bou ahisihleh ateng gawm man sih chibang dan in amaw na isuipaupau ding uh hi,Tua pen bang ahei ichi leh kahina hi chia i Pom tahtah ngamlou jieh leh ihina mite masang a,i zumpi ngamtahtah lou jieh zong himai thei hi.

SIEM LOU SASA A MIHAM I ZAH PAUPAU PEN: Nahi na,ngaina kim dan kim a pasien in angpieh kimlai pen nahi nasinmaw leh nahi na zang nuomlou na hileh Pasien in nikhat niching leh nakung tung thu ahingkhen ngeignei ding hi kipil vang in,Pasien in nalim namel angsiem pen hoising chin, nanu/pa kung ah kapkap hinan lachin kikhel thei nonsih ding a, ahingsiem pa I Mangpa jesu asinmaw  nasuoding hi, Siemlou sasa a, miham zangleh mihina vahinuom chipen kichin la nabulpi pen khat leh mot na ahiban ah minam dang te hamsiemlou sasa a, nazah nasim amanlou pi pen amate sinmaw zong nasuoh ding hi,Langkhat kia ah chilei amate uh nasung ah omden lai chi na zong ahihi.Aham alai nazah nasahthei minam te suoh leh sal Labours and Slavery (ChuonBawah) sung pan tanailou china zong nahi nalai hi.Ipasien bieh pieh na I Laisiengtho Labu zahte pen minam dang a izahzah chiang leh eingah ding thupha pen amaten nakingah lel uh ahi h.I ham/IKam teng  pen Pasien phat na vauzah/Niang tah a, zahding ahi hi.Tuopen thupha hingkipat na ding ahi bou hi,Eite pen tuo hizawh lou in minamdang te ham tawh Pasien iphat vua,Eima zo ham pen nupi pawlkhat awsie suoh nan izang ivau.Niang sah maw uh hi,Tuojieh tamte mama zong khel huoi mama ahita hi.I zo ham mama tawh Pasien phat na nei in I omom na chiet ah I ZO lai i zolaisiengtho izolabu chite ningkoi nonlou in front amailam ah ikoi tading vua, I zangtahtah tading uh hi.Mundang gam ahpen thei sing Malaysia a koikoi Pastor,Rev,Sia heisung sung pan hingpei ten zolaisiengtho Holy bible ma hingzang hingsim hingtawi koikoi lachin nathu lut pan ding hi.Zo tesung a, thugen lasa in Sim/Kawl,Mang pou hing zang koi viel nonsin namai zumnop sih a ahileh Tulai khangtha ten zo it na leh IMangpa pasien it na pen kinei thei ta hi,Siem lou sasa in miham tawh Hingham koi viel ding diang non sin,Na hina sung ah hitahtah in I MANGPA PASIEN DEIH NA AHZAWH HI.Tam pen minam vai hikoi lou in nahina ihi na sung thu kigen ahihi.Paisien sung ah minam tuomtuom omsih chikoi viel sin,Mipiengtha mipil misien ten amipi leh a u anau a Innsung mite ma khuol masa pen hi.  

 Tunia atelsiem ding in I MANGPA pasien atha in I lung sim hing hong ta hen. ZO leh ZO pawlkhat Pasien phat hunbawl khawm pen Kawl/Sim laisiengtho sim paupau chipen pasien ikilapsan na leh i minam isin maw na ahibou hi. Aw leh ken Kawl, Mang , Sim laisiengtho kasim thei hi.Minam dang level in katai hi kichi ihi-diah mah?Atah tah in limtah ngaituo hen hilei ihina om a, mihi na vahi sawmpaupau chipen VA-AH UTONG A KIBAWL PAUPAU ihi hi. Tuojeih in ZO laisiengtho om hi OT/NT minei bang in kinei hi. Neisihlei izo in laisiengtho nangon nei talawm sih a chia ei leh ei kisin maw masa dingte ihihi.Tuojieh in tunia apat in, kahi na hibou chin pom tahtah tavai. Amasapen in ANG POM/LETKHAN/ACCEPT phot vai tuo hileh i nam buppi in i hin dan ang kiduol tading a, i vaihawm na zousie ah zong IMANGPA’N eipanpi ta ding hi. Hi ladeu i chi namunte a om leh free discussion kinei tuo zel va vui I mi nam khantou nading leh i kipum khat thei nading kadeih na bulpi penahihi. Mailam ah aban kikum touzel va vui. Mangpa Zotate thupha hing peta hen.

Ka lungdam

Mangpa lengga huon a, na naseppi uh.
Sia. JohnPauno (zo)
ZCF Chera Pawlpi Kem.
Mobile:-012-2547914.
Email: jpzokakhu2011@gmail.com
Malaysia

Wednesday, September 12, 2012

ZO kici pen

Mungpi Suantak, Washington DC
ZO kici pen, tu niin historically prove (akigielsa Taangthu Tuonthu) aom lo hang in, ZO akici mihingte om ihi man in, hun khatlai akipan, tami mihingte na omzo ci kimu thei hi. ZO tawh kisai in, i ut ut uh gen kawi kawi tamaselei, Historically correct kici theilo aa, ahihang, ZO tate omlo zong akici thei tuon sihhi. Historically correct ahilona pen, Historical & scientifically research (Taangthu Tuon Thu kaan) abawl zo iom nailo zie
ahihi. Tua ahizie in, ko pen, mimasa, PUZO Suon, cibangte tawh iki uong sah ding ahisih aa, infallible fact (aki khiello ding thu) khat ahileh, tu leh tu in ZO kici mihing te om hi cipen, koiman ei ngiel zolo ding hi. Tualo Taangthu Tuonthuu aa ipat leh, prove ipie ding pen, kaam aa gensawn te tawh, tuhun cieng in kinga nawnlo hi.
Bang bang hitaleh, ZO kici mite pen, ei thei hun cieng cieng aa ana omte ahi aa, Min dang puom dan tawh anakihante ahilo lam pen, tuni dong cieng ma ahihi. Tammi thu pen, ei ZO tate ading aa Uniqueness (mitawh kibanglo aa ilamdanna) ahihi. Sanggam Tedim te hitaleh Chin akicite min leh puom tuom tuom ananei uhhi. Khatveileh akhuominpo tawh kimin vaw uh aa, khatveileh Taangthu tuonthu omlo tepi giel in, amau ii pien khietna thu (History) adei bang pi uh agile koi koi hang, ei ZO tate pen, tuni dong cieng ma, hei sung hei sung ah om nan lei, ii Khuo ii tui te haw potaw kimin vawlo in, ZO ma akicite ihi uhhi.
Hunsah khat lai in, Sanggam Tedim ten Khamtung mi zo sie kihatna Chin kici utlo in, akhuo uh ah thupisah uh aa, amau leh amau pen Teddim mi ang kici uhhi. Tuabeh thamlo in amang ngai nawnlo ding Teddim Laisiantho, Teddim Ladu cite ang bawl uhhi. Ahihang, tuni tah cieng in, Tedim mi akici ding pen an gut nawnlo kia aa, ZOMI ang kici nuom kia uh ahihi. Terminology (minhat dan) ma ma zong akikumkal ahi ZOMI MINAM cipen, tun ang lim zah bilbel uhhi. ZO te pen mihingte ahi zie in, eite pen, ZO Mite ihi uh aa, ahihang eite tawh bawng khat sung ah om nuomlo uh ahi cieng aa, alaiteng pen, ZOMI MINAM ciin, ang bawl tawm uh ahihi.
Ei ZO te cieng aa, mihing ahisa te ihi nadung zui in, mi ci kammal belam kullo aa, ZO beh ikici uh pen, ei ii Uniqueness (mitawh kibahlona) thu
ahihi.
Mailam ah adahyuoi thei ding thu:
Hi’in, ei ZO te pen, bangma Historical prove aom in aom tasih zong in, ihina uh ikep cing lai sie ZO tate tammi lei tung ah mangthanglo ding ahihi. Ahihang, ei maan ikemcing nopsih leh, tammi leitung ah minam mangthang ani ni in om den ahi cilam iteel siem kul hi.
Ei ZO tate sung ah, ada huoi ma ma thu khat leh, mailam aa ding aa zau huoi ma ma thu khat ahileh, ZO tawh nasepna te sang aa Khuo min po tawh gamtat nopna lungtang inei ding uh pen, a zau huoi leh, mailam aa ding aa ada huoi ma ma thu khat ahihi. Tu niin, tam thu kagen na in, ei sung ah, tua bang dan lung khainopna thu om kiau kiau ta ahi zie aa kang gen ahihi. Koima condemn (gensie) hising in, tu leh tu in, ii mu ding ah, ZO mintawh na akibawl cieng aa ilawp naleh khuomin tawh na ii sem tetung aa ilapna kibang lo ahihi. Adiei in, Sanggam Phaitu khuo pieng te sung ah khau sap ha dieh ing. Bang ding ahei cileh, a ZO ma ma zong ivehpi in kigawmleh bangma za phanailo beh thamlo in, mipil misiem zo minamdangte za om nailo kawm kal ah tambang aa, khuo leh be leh phung tawh itai uh leh, ZO te ii mailam ding pen, mukholsa ahihi. Phaitute kacina pen, amau akoleh asimmau gen ka hisih aa, tu ma ma in zong ZO NGAINA PAWIPI pen, zo dang teng zo sie ii concensus (thukimna) omlo pi in bawl ding te kisawm aa, tua beh thamlo in, ning kum (2011 UZO) kumcin pawi ah bang, Phaitu ten president ngalo ding hileh akhuo uh aa kipuo sawm valia uh cidante ithei cieng in, khuotai nopna lungsim aneilam uh kitel siem hi.
Aban ah, Tuikhal te zop to kia hi. USA gam ah UZO kipawlna omzo beh thamlo in, ii State kim ah UZO branch te om hi napiin, USA gam bup Tuikhaal kipawlna cite pen, thuhoi ahisih hi. Bang ding ahei cileh, USA a state dung zui aa, ZO tate nasepna ding sang in, Tuikhaal khuomin awh nasep ding pen, akilawp zaw lam ki mu thei hi.
Tuabangte ang hitah cieng in, Khampat te ang kipan kia ta sawn sawn hi. Khampat te pen, mite’n zong khuo kipawlna anei uh leh ei in zong ii nei sam sih ding amah cina tawh kipawl ahi uhhi.
Itel siem ma ma ding thu khat ah, tam teng pen USA gam ahi aa, Malaysia gam hilo, ahicieng in, Malaysia tawn dan pitawh ii tawn sawn leh, ei ma leh eima sup na ikitun ding ahihi.
Tambang in, akhuo khuo tawh nasem ciet ding in, ikhuo ciet thupisah lei, abeisa hun lai aa, Sanggam Teddim te Saizaang te, Teizaangte leh Sizaang te ibah nading thu ahihi.
Bang dang gen ding omlo ZO kici sung ah kip um khat in, akhuo khuo aa, puo ding leh vai hawm ding aom te pen, ZO min ma tawh (nang bang khuo kicilo ding in) sem khawm cietlei picin na ahizaw ding hi.
Tuabang dan aa, ilungsimte uh ikhai khawm theileh, ZO te ii Uniqueness (mitawh ii kibahlo, ii thupitna) pen akem cing zo te ihi ding uhhi, ciin
ken ka mu dan pawl khat ang kikuppi ing ei.
Tamza ci phot vai ei,
Lungdam!
ZouWorkshop apat kilasawn

Zo leh Zou Pumkhatna Diinga Ketot Thupi (A Fundamental Step to Zo and Zou Unification) Centralized Zo/Zou Literature Society

Zo leh Zou Pumkhatna Diinga Ketot Thupi (A Fundamental Step to Zo and Zou Unification) Centralized Zo/Zou Literature Society


- Khai Minthang
Thupatna: November 03, 2008 ni’a ka blog a Nangpi thugel, “U Khai, Burma lam i minam ZO teng tawh kizop nate hinghoi to nang in, i kipum khat thei nang in, PUZO Site ading Article te hing at tam to leh” ka ngaisut chiengin ka lungsim sungah thu-le-laa phabepkhat ang kikaikhawm dendun hi.
Ka ngaisutna masapen ahileh eite khu luipi pangkhat tuoh a khosa, khatlang leh khatlang kikawmtuo theina diing lah gunkuong bawl theilou, lei zong daw theilou, hilezong gunkuong khat umleh luigal khatlang a haw diinga mansa, lei kidaw leh azui diinga mansa chidan a um hilei kilawm kasa hi. Ka ngaidan in gunkuong sui diing khutsiemte kisam, lei bawl diing engineer-te kisam ahimaw chi ngaidan ang pie hi. Tua kang kisahna pen gunkuong sui diinga kithawi hilou leh lei bawl diinga kithawi hilou in English te chidan phuat hileh “Blue Print or Master Plan” themkhat hing kupsawm kahizaw hi. Kei geldan leh ngaidan maimaite tawh kipat diing hisam lou in Zou vontawite’n i siemnate uh i gawmkhawm zou chieng ua i geelna (planning) uh isep diing uh ahi nabou hi. India langa Zou vontawi 22,000 tuom umte leh Burma langa Zo vontawi 61,000 tuom umte kigawm lei 83,000 tuom ipha uhi.
Kitheichetna leh Nam Iitna:
Tanglai a laphuotu khat in tambang in ana phuo hi: “Eiteng khawlkhawm, atuom umlou, vannuoi chipeu Khul a pieng, Tuunsung khat pan pieng hi ngei ngei ee. Tuunsung khat pan pieng hi ngei ngei ee,Suopi sanggam laigui zawngkhawm hi ngei ngei ee” ana chi hi. Tam pen i suutpi uh ahi zing diing ahi. Tami tah tenga key word a mutheite ahileh – Khul, Tuunsung khat leh Laigui zawngkhawm chite ahi uhi. India, Burma leh mun dang dang ah khosa in um lei zong i “Tuunsung khat leh laigui zawngkhawm” ihina in ang gawm zing diing ahia, ihina uleh inam uh ithei zing diing uh ahi hi. Khatteng in namdangte leh mituomte tawh i umkhawm chiengun i Zou hina uh i mangsah dihdih zeel ua, tuapen adih sih hi.
Tualeh Zou nam iitna hilchetna (definition) uh etphathuoi kasahna khat aum hi. Nam a diinga shi ngamna khu nam iitna danin ila ua, nam a diinga hing lou a shi mai diing khu iitna thupi in ila uhi. Adihna themkhat vang um nanleh dihkim kasa sih hi. I nampi’n i shisan uh adeipen hilou in i damsung ua i silbawlte uleh i nasepte uh adeizaw hi. Zou vontawi kichi khat phot ahun dungzui a shi diinga kipumpieh ngam (volunteer at the call of duty) ihi uhi. Hilezong Zou vontawite galneilou leh huhamloute ihi zieh un i nampi a diinga shi sangin i nampi a diinga hintheina khu a poimawzaw tham a, khantouna tawh zong a kinai mama hi. Nampi iit tahtah ihileh i teenkhawmpi Zou vontawite mama iitpai in annkhing tuibuuh kikhol in, nopni-daani in kinoppi-kidaapi in, panpi ngaite panpi lei nam iitna suhlatna ahizaw tham hi. Tulai in tami rhetoric pen a kihazah mama a, Zogam itt in Zomite iitlou, UZO iit in UZO mi-le-sate iitlou chite atamta hi.
Ngaina leh Tawndan Kepbitna:
Heisung heisungah um leizong i ngaina uleh i tawndante uh i lungsim sung ua i mansah lou diing uh ahia, i tu-le-tate khang bana ahing khang sawnsawn diingte muthei diing leh theithei diinga laibu a bawl a, kam a zong genthaw a, zahthei ahina zousie a atamthei pen a zah diing ahoi hi. Custom leh moral culture ineite uh theisiem a, kepbit diing ahoi hi. I custom uh khu danbu (constitution) ahia, ahun ahun a siemphatna (amendment) bawl zelzel diing ahi hi. Tami custom khu heimun heimun ah umta lei zong agam leh khantouna tawh kituoh a siemphatna bulpite’n abawl dungzui ua zah chiet diing ahi hi. Tam pen Zou ihina i lahsahna (demonstration) thupipen ahi hi. Zou sihsan a pieng hi-ngal a Zou custom zangloute khu mimangthangte ahi uhi. I pienpi shisan khu i nam hina uh ahia, i custom uh khu i hina uh lahsahna ahi hi.
Culture ichi chiengin tami china chet/lien ahi chithei aum sih hi. Culture pen kikhin kawikawi, ahun ahun a deidan leh peidan genna in akizang zaw hi. Khanglui lai in tangvalte khu “Haam” ah ana gieh ua, tua khu “Haam culture” zong chithei ahipai a, nungah leh tangvalte a kihel chieng ua nungahte’n a tangvalte uh sam atumsah uleh azu-asa alup zousie uzong tuahun laia (Contemporary) diinga “Romantic (classical) culture” a kichithei kia veve hi. Tuhun chiengin thau tawi a thau thahatna tawh mite soisa, sum ngen, etc. chite khu “Gun culture” a kichi kia veve hi. Tuaziehin, culture ichi penin mong aneisih china ahimai hi. Moral culture ichi chiengun “Sielephatheina a tawndan” chilei a kituoh pen diingin ka gingta a, a lelang ah “Umdanhoi leh umdanhoiloute tawndan” chilei zong ahithei kawikawi hi.
Khangluite apat a inga/luosawn pen uh moral tradition chilei adih kia diing hi. Moral tradition tawh kisai in Zou vontawite’n kepbit diing tampi inei uhi. Khangluite apat a ina luosawn uh (moral tradition) – Gamtat-khoheidan kilawm, ham-le-paudan kilawm, Lungsim putdan kilawm, Hawmsiemdan leh tha-le-zung piehdan kilawm chite i Zou community sungah a mangthang hiei-hieita hi. Upate zatatna chite, Nu-le-pa zatatna leh thumanna chite, Meithai-taga panpina chite, Zin-le-leeng idou siemna chite, Sa tuituoh-nga tuituoh inei nia insah innhang ahiei i-u-inau kikhol chite khu moral tradition ahi uhi. Tam banga moral tradition ineisa uh mangthangsah lou a hoitah zahsiem diing khu Zou nampi gilkielna ahia, Zou vontawite a diinga hin ngamna kachi pen ahi hi.
Laimal Sangin Hamzah leh Laigeldan Poimawzaw:
Kei ngaidan in Zo leh Zou ah bangma buoina aum in kathei sih a, gamkuom khat in spelling a zahdan hizaw in kathei hi. India langate’n ZOU chia a kigel vangun Hindi-te china ahisih a, English-te china zong ahi dieh sih a, Arab-te china zong ahidieh sih hi. Tuama bangin Burma langate’n ZO chia agel vangun Japan-te china ahisih a, Korea-te china zong ahisam sih a, British-te china zong ahituomsih hi. Tuaziehin, ZO ichi ua, ZOU ichi zong un, “Eiteng khawlkhawm, atuom umlou, vannuoi chipeu Khul a pieng, Tuunsung khat pan pieng hi ngei ngei ee. Tuunsung khat pan pieng hi ngei ngei ee, Suopi sanggam laigui zawngkhawm hi ngei ngei ee” te china ahi veve hi. Tami pen “dihsih-dihmah” chia ibuoi laisie i maban kisem theilou diing abang hi. Eh, kisem theilou diing bang hi maimai lou in kisem theilou tahtah diing ahi hi. “O” ahiei “OU” in Zou hina khensat hilou in i laigui in i Zou hina a khensat ahizaw hi. Zou laigui aw nahi a, Zou shisan a pieng nahileh “O” leh “OU” zang in zang sih lechin zong na na suon-le-haah suina chii (DNA) khu ZOU or ZO ahi veve hi. “O” leh “OU” zat leh zatlou zieh a ZOU hina mang diing chipen pasal khat in toka pawl ateen zieh ahiei, numei khat in niih san penpom khat a teen zieh a Zo/Zou ahina apat a nawsuoh diing tawh kibang kasa lel hi.
Tuasanga thupizaw ahileh hamzahdan ahi in kamu hi. India langa Zoham dihloute – Politics (Kumpivai/politics), Kaam (sepna/job), chalak (zuou/lie), Gohori (???/Watch), Rel (Meileng/Train), Post Office (Laihah inn/zum), etc. chite ahi hi. Burma langa Zoham dihloute ahileh Nainganyi (Kumpivai/Politics), Batayi (Biehnavai/Religion), Padenpauh (Tollet/window), Tapidaw (Gingtute/believers), Senpi (Hoi/Good or OK), Sai (Vanzuahna/Store), etc. chite ahi hi. Zou chiet chiet ihi vangin India leh Burma langate i houlim chiengun hamzah kithei zoulou atamta mama hi. India langate’n, “Burma langate’n Kawlham (Burmese) tawh mehpawl siengta” uh ichi ua, Burma langate’n lah, “India langate’n Kalaham (Hindi) tawh mehpawl siengta” ang chi veve uhi. Tamdan hi zengzung ahia, hoitah leh standard wording or vocabulary inei uh a kisam mamata hi. Tami thu i buoipi sih uleh tu’n chikhat namkhat hi in, laigui zawngkhawm hinanlei khatvei chieng in i houlim thei nawnsih diing uh abahna khat um kasa hi. Tuaziehin, spelling vai in buoibuoi nawnlou in ihamte uh sawpsieng/seepchiil phot pouma lei hoiva chi khu ka ngaidan ahi hi.
Centralized Zou Literature Society:
Centralized Zou Literature Society nei in i spelling zahdan tawh laibu sun lei India langa Zou hiin Burma langa Zo hitaleh isimthei chiet diingun ka gingta hi. Aziehpen i buoina uh alphabet (laimal) O/OU leh C/CH ahia, dipthong (vowel ni kigawm) IA/IE leh UA/UO ahi hi. Tamte pen theila diing aum sih a, i kitheisah nuomsih uh chi manthu ahilel hi. “Zo” chilei zong isimthei ua, “Zou” chilei zong isimthei veve ua, a khietna (meaning) zong itheimaw sih uhi. “Siengthou” chi’n “siangthou” chilei zong a isimthei ban uah a khietna (meaning) khu “clean/holy” china ahi chi theimaw diing aum tuonsih hi. Tuasanga isimthei vang ua a khietna itheilou diing uh India langate’n Kaam, Chalak, Rel, etc. chite leh Burma langate’n Nainganyi, Batayi, Lumuhyi, Sai, Senpi, etc. chite ahizaw hi. Tuaziehin, laibu bawltu in a spelling deidan pen azah a, laikhetna/laisutna khawlpi a sut a, India leh Burma a Zou vontawite umna zousie a hawmzah leh zah diing hileh guolnua-guolma ipha theizaw diing uhi. Alphabet, vowel leh consonant izahdan a i buoinate pen Centralized Zou Literature Society a diinga buoipi nina (stage two) diing ahia, buoipi diing khatna a buoi masalou a anina a buoite khu lou vat nailou a taangbuuh/annbuuh bawl masate tawh kibang kasa hi. I taangbuuh let leh neu dana i lou i let leh nau sah diing hilou in i lou a ann laahdan dungzui a i taangbuuh i bawl diing ahizaw hi.
Zou Laigeldan Dih:
Laigeldan dih i poimaw mama uhi. Gelthei hitana chia thuteng khat (one word) khat pen a lawdan (syllable) a thuteng khat khat a gel zong adih sih a, thuteng ni-le-thum gawmkhawm zengzung zong adih dieh sih hi. Etsahna: “Siengthou” chi khu “Holy” china ahia, adjective (Noun hilchientu) ahi hi. “Sienthouna” khu “Holiness” china ahia, noun ahi hi. “Sieng thou” chia gel diing ahisih a, “Sien thou na” chia gel diing zong ahi dieh sih hi. Adjective a “Holy” chia kigiel pen noun ang hi chiengin “Holiness” chi’n “y” tangin “i” in ang kihengta hi. Tuamabangin Zoham ah zong “Siengthou” khu “Siengthouna” hilou in “Sienthouna” chi’n ang kigielta hi. Parts of speech in i spelling zahdan a heng lamdang tuom mama hi. Etsahna: “Khuo” chi pen “Khuopi” chi’n a kigiel nawnsih hi. English a “village” leh “city” chia thumal tuomtuom a kikhen vangin Zoham ah “Khopi” khu adjective “pi” ziehin nuon ang suoh theina diingin “Khopi” chi’n a kigiel hi. Tualeh ham nupa (word paring) zahdan ah i khiel mun mama uhi. Etsahna: “Nu-le-pa” khu “Parent” ahia, “Nu leh Pa” khu “Mother and Father” or “Father and mother” china ahi hi. “Khuo-le-tui” khu “Villager” ahia, “Khuo leh tui” khu “village and water” china ahizel hi. Tuaziehin ham nupa zahdan ah zong pilvan angai mama hi. Tualeh, ahunlou-ahailou a punctuation mark te zong zah zengzung diing zong ahisih hi.
Tualeh, English-te’n aneilou uh Zokam a i hausatna mama khat uh aum hi. Tuate khu adjective or adverb hilchientu ahi uhi. Englsih-te’n noun leh verb hilchientu (adjective and adverb) chilou adang anei sih ua, eite’n verb leh noun hilchientu banah adverb leh adjective hilchientu zong inei nalai uhi. Tam pen Zokam thupina (Zokam special) ahi hi. Etsahna: “Siengthou” chi khu English ah “Holy” china ahia, adjective ahi hi. Adjective khu noun khat tawh hing kizawh hamtang diing ahia, “Holy Land” (Gam siengthou) china ahia, Holy (adj.) + Land (noun) ahi hi. Zokam in gen uong nalai diing chilei adjective hilchientu khat “Sitset” chi zang talei Zokam ah adih nalai a, “Gam Siengthou” chi sang bangin “Gam Siengthou sitset” chilei agen ut pen kilawmtah leh nasetah in a genchieng zaw tham tham hi. Tuaziehin, sitset, singseng, siasua, zengzung, lialua, pempawm, kelkul, em-awm, the-thu, hiauhuau, lihleh, chitchet, ngia-ngua, helhul, etc. chite khu izahdan dungzui a adverb leh adjective hilchientu ahi nalai a, ham dangte’n ahau lou or anei lou uh Zokam special ahimai hi. Tambanga adverb leh adjective hilchiente igel chiengun ahitheitan in kimat a gel diing ahia, a sim hamsate hyphen khat koi lei asim anuom mai diing hi. Zou laigeldan dih pen ka buoipi laitah ahia, tamtengah a unpi’n ata zou sih diinga, tamtan i chiphot diing uhi.
Thuzawna:
English-te’n a spelling uah kitheisiemlouna nei uleh tuni’n English ham khu leitung pumpi’n azah diing ka gingta sih hi. Aziehpen, English ham khu leitung pumpia a kithei vangin ham kizang tampen khu Chinese-te ham “Mandarin” ana hi laizang hi. English khu a kizang tampen ahilou vangin a kithei tampen ana hikia veve hi. United Kingdom-te’n “Colour” chia agel zieh ua a spelling dih ahipai sih a, United States te’n “Color” chia agel vangun a koima’n, “Nou US te spelling zahdan dih sih, English ham hisih” achi tuonsih uhi. India a Zou vontawite leh Burma a Zo vontawite kigawmtheina leh sepkhawm thei masapen diing khu Zou Literature Society (shall I say Centralized Zou Literature Society?) in kamu hi. Spelling a i buoi zing leh koima a ngiem nuom sih diinga “Chithah nupate tangthu” kigente bangin a sangzaw kitu in vanthamzawl ah i mangtang giap diing uhi. I Lai Siengthoute, Laabute, Sunday school simmunte, news and journal-te, magazine leh souvenir-te, sangnaupangte laibute, etc. i bawlkhawm ua i gelkhawm uh ahunta hi. India langa Zou vontawi 22,000 tuom umte leh Burma langa Zo vontawi 61,000 tuom umte kigawm lei 83,000 tuom ipha uhi. Munkhat a i teenkhawm theilou vangun laibu khat tawikhawm theilei i laibu bawlna leh zuahna zong ang phatuom mama diinga, lailam ah zong khantouna leh masawnna inei mama nalai diing hi. Tambangin pankhawm theina diing lampi khat hing kihong masa photphot leh aban a diingte’n aban-banin ang zui mai diing uhi. Kigawm leh pankhawm theina diinga step khatna diingin literature leh mass media (thu leh laa kipiehtuona) sanga thaneizaw leh silbawltheizaw tutadi in ka mu naisih hi. I kaal ua tuipi um pen kaantan theina diing lei kidaw leh vaikhat maimai a luigaal kanna a zah diing hilou in vai tampi bawlna diinga zahthei ahing hita diing hi. Pankhawmna diing atam mama hi. Sum-le-paai a pankhawmna diingte, chi-le-nam vai a pankhawmna diingte, gal-le-sa nei chienga pankhawmna diingte khu aban-bana hing umtou thei diingte ahi uhi. Tamte kamu chiengin ka lungdam mama a, i kigawm ua, tuibanga i luonkhawm hun diinguh ka ngahla mama hi.
Ref:
1. http://www.krysstal.com/spoken.html
2. http://en.wikipedia.org/wiki/Zou_people_(India)
Source: ZOU VONTAWI THAIKAWI